សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអញ្ជើញគោរពវិញ្ញាណក្ខន្ធសព ឯកឧត្តម អ៊ុយ វេងគី ទីប្រឹក្សា និងជា នាយករងខុទ្ទកាល័យសម្តេចប្រធានរដ្ឋសភា នៅព្រឹកថ្ងៃអង្គារ ទី២៦ ខែមករា ឆ្នាំ២០២១ នៅគេហដ្ឋានសព ក្នុងរាជធានីភ្នំពេញ។

សម្តេចប្រធានរដ្ឋសភា ចាត់ទុកមរណភាពរបស់ ឯកឧត្តម អ៊ុយ វេងគី ជាការបាត់បង់សហការីប្រកដោយគុណធម៌ និងសមត្ថភាពខ្ពស់ មួយរូប។ សម្តេចបានវាយតម្លៃខ្ពស់ចំពោះពលីកម្មនៅក្នុងការបំពេញតួនាទីរបស់ ឯកឧត្តម អ៊ុយ វេងគី នាពេលកន្លងមក ក្នុងបុព្វហេតុ ជាតិមាតុភូមិ។

ឯកឧត្តម អ៊ុយ វេងគី បានទទួលមរណភាព កាលពីព្រឹកថ្ងៃទី២៥ ខែមករា ឆ្នាំ២០២១ ក្នុងជន្មាយុ ៥៧ឆ្នាំ ដោយរោគាពាធ។ សូម វិញ្ញាណក្ខន្ធ ឯកឧត្តម បានទៅកាន់សុគតិភពកុំបីឃ្លៀងឃ្លាតឡើយ ៕

អត្ថបទ និងរូបភាព ដោយនាយកដ្ឋានព័ត៌មាន