សភាកម្ពុជាត្រៀមធ្វើជាម្ចាស់ផ្ទះនៃកិច្ចប្រជុំភាពជាដៃគូសភាអាស៊ី-អឺរ៉ុប (ASEP) លើកទី១១ ក្នុងឆ្នាំ២០២១នេះ __ គណ:កម្មការទី៧នៃរដ្ឋសភាចុះសិក្សាស្វែងយល់ពីស្ថានភាពនៃការបើកបវេសនកាលថ្មី ឆ្នាំ២០២០-២០២១ នៅតាមគ្រឹះស្ថានសិក្សា របស់រដ្ឋ និងឯកជន __ ឥណ្ឌាបង្ហាញគម្រោងជំនួយ និងវិនិយោគជាច្រើននៅកម្ពុជា__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំពិភាក្សាទ្វេភាគី រវាងរដ្ឋសភាកម្ពុជា និងសភាប្រជាជនទូទាំងប្រទេសចិន តាមរយៈប្រព័ន្ធវីដេអូ (Video Conference) នាថ្ងៃទី១៨ ខែមករា ឆ្នាំ២០២១__ សេចក្តីជូនដំណឹង របស់ អគ្គលេខាធិការដ្ឋានរដ្ឋសភា ថ្ងៃអង្គារ ទី១៩​ ខែមករា ឆ្នាំ២០២១__ លោកជំទាវ កិត្តិសង្គហបណ្ឌិត ឃួន សុដារី៖ ចំណងមិត្តភាពជាប្រពៃណីដ៏យូរលង់ និងជាដៃគូរយុទ្ធសាស្ត្រគ្រប់ជ្រុងជ្រោយ រវាងកម្ពុជា-ចិន មានលក្ខណៈពិសេស ហើយធន់នឹងវិបត្តិ និងហេតុការណ៍ផ្សេងៗ__ ប្រធានរដ្ឋសភាកម្ពុជា និងចិន គំាទ្រសមិទ្ធផលជាច្រើន កើតចេញពីទំនាក់ទំនងដ៏ល្អរយៈពេល៦៣ឆ្នាំមកនេះ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » អនុគណៈកម្មការហិរញ្ញវត្ថុ ផ្គត់ផ្គង់ និងភស្តុភានៃកិច្ចប្រជុំ ASEP-11 រៀបចំគម្រោងស្នើថវិកាជាតិ សម្រាប់ការរៀបចំកិច្ចប្រជុំ(ASEP11) នាពេលខាងមុខ
អនុគណៈកម្មការហិរញ្ញវត្ថុ ផ្គត់ផ្គង់ និងភស្តុភានៃកិច្ចប្រជុំ ASEP-11 រៀបចំគម្រោងស្នើថវិកាជាតិ សម្រាប់ការរៀបចំកិច្ចប្រជុំ(ASEP11) នាពេលខាងមុខ
រៀបរៀងដោយ ៖​ NA1472 ​ នៅថ្ងៃទី (1/12/2021 1:40:38 AM )

ឯកឧត្តមកិត្តិសេដ្ឋាបណ្ឌិត ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃរដ្ឋសភា និងជាប្រធានអនុ គណៈកម្មការហិរញ្ញវត្ថុ ផ្គត់ផ្គង់ និងភស្តុភា នៃកិច្ចប្រជុំ ASEP-11 បានស្នើអោយក្រុមការងារពាក់ព័ន្ធទាំងអស់ ចូលរួមសន្សំសំចៃខ្ពស់ លើគម្រោងចំណាយថវិកា សម្រាប់កិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP11) ដែលសភាកម្ពុជា នឹងធ្វើជាម្ចាស់ផ្ទះ នាពេលខាងមុខ។

ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ដូចខាងលើនៅក្នុងកិច្ចប្រជុំ នាព្រឹកថ្ងៃទី១២ ខែមករា ឆ្នាំ២០២១ នៅវិមាន រដ្ឋសភា ដើម្បីពិនិត្យ និងរៀបចំគម្រោងស្នើថវិកាជាតិ សម្រាប់ការចំណាយទៅលើ ការរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP11) ដែលសភាកម្ពុជានឹងធ្វើជាម្ចាស់ផ្ទះនោះ។

ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ទៀតថា បន្ទាប់ពីទទួលលិខិតចាត់តាំងជាផ្លូវការបស់សម្តេចប្រធានរដ្ឋសភា និងសម្ដេចប្រធានព្រឹទ្ធសភារួចមក អនុគណៈកម្មការហិរញ្ញវត្ថុ ផ្គត់ផ្គង់ និងភស្តុភានៃកិច្ចប្រជុំASEP-11 បានប្រជុំពិនិត្យមើលវឌ្ឍនភាព ការងារ និងការត្រៀមរៀបចំស្នើថវិកាជាតិសម្រាប់ចំណាយរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP11) ដែលមាន សមាសភាពចូលរួម ពីសមាជិក សមាជិកា រដ្ឋសភា ព្រឹទ្ធសភា និងឯកឧត្តមអគ្គនាយករដ្ឋបាល និងហិរញ្ញវត្ថ ក៏ដូចជាមន្រ្តីជំនាញ នៃអនុគណៈកម្មការនេះ ដើម្បីរៀបចំផែនការត្រៀម ក្នុងការស្នើថវិកាជាតិ សម្រាប់ចំណាយរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP11) ដោយត្រូវមានការសន្សំសំចៃខ្ពស់ ជាការរួមចំណែកជួយរាជរដ្ឋាភិបាលនៅពេលដែលប្រទេសកម្ពុជា ក៏ដូចជា បណ្តាប្រទេសក្នុងពិភពលោកកំពុងជួបវិបត្តិសេដ្ឋកិច្ច ដែលបណ្ដាលមកពីការឆ្លងរីករាលដាលនៃជំងឺកូវីដ-១៩។

ឯកឧត្តមកិត្តិសេដ្ឋាបណ្ឌិត មានជំនឿថា ឆ្លងតាមរយៈបទពិសោធន៍នៃការរៀបចំកិច្ចប្រជុំសភាតំបន់អាស៊ី កិច្ចប្រជុំអន្តរសភាអាស៊ាន និង កិច្ចប្រជុំផ្សេងៗមួយចំនួនទៀតនាពេលកន្លងមក ឯកឧត្តមជឿជាក់ថា អនុគណៈកម្មការហិរញ្ញវត្ថុ ផ្គត់ផ្គង់ និងភស្តុភានៃកិច្ចប្រជុំASEP-11 នឹងរៀបចំដំណើរការងាររបស់ខ្លួនបានដោយរលូន និងទទួលជោគជ័យជាក់ជាមិនខាន ៕

អត្ថបទ និងរូបភាព ដោយនាយកដ្ឋានព័ត៌មាន