សម្តេចអគ្គមហាពញាចក្រី ហេង សំរិន ជំរុញឯកអគ្គរាជទូតកម្ពុជា ប្រចំាប្រទេសនានា តម្កល់ផលប្រយោជន៍ជាតិជាធំ ពង្រីកកិច្ចសហប្រតិបត្តិការជាមួយប្រទេសជាមិត្ត__ សេចក្តីព្រាងច្បាប់ពីរ ទាក់ទងការប្រឆំាងការសម្អាតប្រាក់ត្រូវបានគណៈកម្មការជំនាញរដ្ឋសភា និងតំណាងរាជរដ្ឋាភិបាល បញ្ចប់ការពិនិត្យសិក្សា__ គណៈកម្មការទី៣នៃរដ្ឋសភា ប្រជុំពិនិត្យលើរបាយការណ៍បូកសរុបលទ្ធផលការងាររបស់ក្រសួងស្ថាប័ន ក្នុងសមត្ថកិច្ចរបស់ខ្លួន__ គណៈកម្មការជំនាញរដ្ឋសភា គំាទ្រសេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជា ចូលជាភាគីនៃអនុសញ្ញាទីក្រុងប៊ែន ស្តីពីកិច្ចការពារស្នាដៃអក្សរសាស្រ្ត និងសិល្បៈឆ្នាំ១៨៨៦ និង...__ គណៈកម្មការជំនាញរដ្ឋសភា ប្រជុំជាមួយតំណាងរាជរដ្ឋាភិបាលពិនិត្យសេចក្តីព្រាងច្បាប់ ស្តីពីការជួយគ្នាទៅវិញទៅមកផ្នែកច្បាប់ ក្នុងវិស័យព្រហ្មទណ្ឌ__ គណៈកម្មការរដ្ឋសភាពិនិត្យសេចក្តីព្រាងច្បាប់២ ទាក់ទងនឹងការប្រឆាំងហិរញ្ញប្បទាន ការរីកសាយភាយអាវុធមហាប្រល័យ និងការប្រឆាំងការសម្អាតប្រាក់ និងហិរញ្ញប្បទានភេរវកម្ម__ ឯកឧត្តម ឈាង វុន ចុះផ្សព្វផ្សាយ និងក្រើនរំលឹកប្រជាពលរដ្ឋ ឲ្យបន្តប្រុងប្រយ័ត្ន និងការពារខ្លួនពីវីរុសកូវីដ COVID-19__ អគ្គលេខាធិការដ្ឋានរដ្ឋសភា គោរពជូនពរ សម្ដេចចក្រី ហេង សំរិន ក្នុងឱកាសចម្រើនជន្មាយុ គម្រប់៨៦ ឈានចូល៨៧ឆ្នាំ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តមបណ្ឌិតរដ្ឋ ជាម យៀប ជំរុញអាជ្ញាធរចុះជួយដោះស្រាយនូវកង្វល់របស់ប្រជាពលរដ្ឋនៅតាមមូលដ្ឋាន ឲ្យបានទាន់ពេលវេលា
ឯកឧត្តមបណ្ឌិតរដ្ឋ ជាម យៀប ជំរុញអាជ្ញាធរចុះជួយដោះស្រាយនូវកង្វល់របស់ប្រជាពលរដ្ឋនៅតាមមូលដ្ឋាន ឲ្យបានទាន់ពេលវេលា
រៀបរៀងដោយ ៖​ NA1472 ​ នៅថ្ងៃទី (9/15/2019 11:55:35 PM )

ឯកឧត្តមបណ្ឌិតរដ្ឋ ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និងជាតំណាងរាស្រ្ត មណ្ឌលខេត្តព្រៃវែង បានជំរុញអាជ្ញាធរ ចុះជួយដោះស្រាយនូវទុក្ខកង្វល់របស់ប្រជាពលរដ្ឋនៅតាមមូលដ្ឋាន ឲ្យបានទាន់ពេលវេលា។ ឯកឧត្តមបណ្ឌិតរដ្ឋ ជាម យៀប បានមានប្រសាសន៍បែបនេះ ខណៈឯកឧត្តមបណ្ឌិតរដ្ឋ និង ឯកឧត្តមកិត្តិនីតិកោសលបណ្ឌិត ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌នៃរដ្ឋសភា អញ្ជើញជាអធិបតីភាពក្នុងពិធីសំណេះសំណាល ជាមួយសមាជិកក្រុមប្រឹក្សា​ស្រុក គណៈអភិបាលស្រុក ក្រុមប្រឹក្សាឃុំ ស្មៀនឃុំ និងមេភូមិ នៅស្រុកកញ្ជៀច ខេត្តព្រៃវែង នាព្រឹកថ្ងៃទី១៤ ខែកញ្ញា ឆ្នាំ២០១៩។

ឯកឧត្តមបណ្ឌិតរដ្ឋ បានមានប្រសាសន៍ទៀតថា ក្នុងនាមជាអាជ្ញាធរគ្រប់លំដាប់ថ្នាក់ ត្រូវចុះជួបប្រាស្រ័យផ្ទាល់ជាមួយប្រជាពលរដ្ឋនៅ មូលដ្ឋាន ដើម្បីពន្លឿនដោះស្រាយនូវកង្វល់ សំណើ និងសំណូមពរផ្សេងៗ ឲ្យមានប្រសិទ្ធភាព ជូនប្រជាពលរដ្ឋ ស្របទៅតាម យុទ្ធសាស្ដ្រចតុកោណដំណាក់កាលទី៤ របស់រាជរដ្ឋាភិបាល។

ឯកឧត្តមបណ្ឌិតរដ្ឋ ជាម យៀប បានបញ្ជាក់ថា ការចុះមូលដ្ឋាននេះ មានសារៈសំខាន់ណាស់ ពោលគឺ ទី១-លើកកម្ពស់ការផ្សារភ្ជាប់ ទំនាក់ទំនង រវាងប្រជាពលរដ្ឋជាមួយអាជ្ញាធរ តាមរយៈ សកម្មភាពរបស់ថ្នាក់ដឹកនាំ មន្ត្រីរាជការគ្រប់លំដាប់ថ្នាក់ ក្នុងការជួបប្រាស្រ័យ ផ្ទាល់ជាមួយប្រជាពលរដ្ឋគ្រប់មជ្ឈដ្ឋាន ដើម្បីស្វែងយល់អំពីជីវភាពរស់នៅ និងបានស្ដាប់នូវកង្វល់ សំណើ សំណូមពរ បញ្ហាប្រឈម នានានៅតាមមូលដ្ឋាន។ ទី២-ផ្សព្វផ្សាយកម្មវិធីនយោបាយ និងសមិទ្ធផលនានារបស់រាជរដ្ឋាភិបាល ជូនប្រជាពលរដ្ឋបានជ្រាប និងស្វែងរកការគាំទ្រ និងចូលរួមការអនុវត្តកម្មវិធីនយោបាយរបស់រាជរដ្ឋាភិបាល និងដាក់ចេញវិធានការ និងសកម្មភាពអនុវត្តជាក់ស្តែង និងទី៣-បានដឹងពីសំណូមពរ បញ្ហាប្រឈមនានានៅមូលដ្ឋាន និងមានវិធានការដោះស្រាយ ឆ្លើយតបនឹងតម្រូវការរបស់ប្រជាពលរដ្ឋ បានទាន់ពេលវេលា។

ឯកឧត្តមបណ្ឌិតរដ្ឋ ជាម យៀប បានបន្ដថា រាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន ជានាយក រដ្ឋមន្ត្រី បានដឹកនាំប្រទេសទទួលបាននូវសុខសន្តិភាព ស្ថិរភាពនយោបាយ និងមានការអភិវឌ្ឍលើគ្រប់វិស័យ។ សុខសន្តិភាព ជាកត្តា គន្លឹះ ដែលបាននាំមកនូវជីវភាពរស់នៅរបស់ប្រជាពលរដ្ឋកាន់តែបានល្អ ដោយជំរុញកំណើនសេដ្ឋកិច្ច៧.៥% និងរក្សាបាននូវស្ថិរភាព ម៉ាក្រូសេដ្ឋកិច្ចបានល្អប្រសើរ។

ចំណែកឯមន្ត្រីរាជការ កងកម្លាំងប្រដាប់អាវុធ គ្រូបង្រៀន គ្រូពេទ្យ រាជរដ្ឋាភិបាល ក៏បានបង្កើនប្រាក់បៀវត្សរ៍ជាបន្តបន្ទាប់។ រីឯកម្មករ កម្មការិនី ក្នុងឆ្នាំ២០១៩ រដ្ឋាភិបាលបានអនុវត្តប្រាក់ខែគោល ១៨២ដុល្លារសហរដ្ឋអាមេរិកក្នុង១ខែ ហើយក៏បាននឹងកំពុងបន្តពិភាក្សា សម្រាប់ដំឡើងប្រាក់ខែគោលសម្រាប់អនុវត្តក្នុងឆ្នាំ២០២០ ផងដែរ។

អត្ថបទ និងរូបភាព ដោយនាយកដ្ឋានព័ត៌មាន