លោកជំទាវ និន សាផុន៖ ច្បាប់ជាមូលដ្ឋានគ្រឹះក្នុងការកសាង អភិវឌ្ឍន៍ជាតិ និងការពារសុខសន្តិភាព__ ក្រុមមិត្តភាពរដ្ឋសភាកម្ពុជា-ជប៉ុន ពង្រឹងកិច្ចសហប្រតិបត្តិការជាមួយគ្នាអោយកាន់តែរឹងមាំថែមទៀត__ សម្តេចអគ្គមហាពញាចក្រី ហេង សំរិន ប្រធានរដ្ឋសភា ដឹកនាំគណៈប្រតិភូសភាត្រឡប់ពីចូលរួមកិច្ចប្រជុំប្រចំាឆ្នាំវេទិកាសភាអាស៊ី-ប៉ាស៊ីហ្វិក(APPF) នៅប្រទេសអូស្រា្តលីវិញ ដោយសុវត្ថិភាព__ សេចក្តីប្រកាសព័ត៌មាន ស្តីពីលទ្ធផលនៃការចូលរួមកិច្ចប្រជុំប្រចាំឆ្នាំនៃវេទិកាសភាអាស៊ី-ប៉ាស៊ីហ្វិក(APPF) លើកទី២៨ នៅប្រទេសអូស្រ្តាលី ដឹកនាំដោយ សម្តេចអគ្គមហាពញាចក្រី ហេង សំរិន ប្រធានរដ្ឋសភា__ សម្តេចអគ្គមហាពញាចក្រី ហេង សំរិន ជួបសំណេះសំណាលជាមួយប្រជាពលរដ្ឋខ្មែរ ក្នុងទីក្រុងកង់បេរ៉ា និងបានជម្រាបពីការរីកចម្រើនរបស់ប្រទេសជាតិ ដល់ពលរដ្ឋបានដឹង__ សម្តេចអគ្គមហាពញាចក្រី ហេង សំរិន ជួបពិភាក្សាការងារជាមួយប្រធានរដ្ឋសភាឡាវ__ សម្តេចអគ្គមហាពញាចក្រី ហេង សំរិន អញ្ជើញចុះហត្ថលេខាលើលទ្ធផលកិច្ចប្រជុំវេទិកាសភាអាស៊ី-ប៉ាស៊ីហ្វិក ក្នុងប្រទេសអូស្រ្តាលី__ សម្តេចអគ្គមហាពញាចក្រី ហេង សំរិន ទទួលជួបសវនាការជាមួយអនុប្រធានរដ្ឋសភាវៀតណាម នៅក្នុងប្រទេសអូស្រ្តាលី__ អគ្គលេខាធិការដ្ឋានរដ្ឋសភា គោរពវិញ្ញាណក្ខន្ធសព លោកជំទាវ លី គីម ត្រូវជាភរិយារបស់ ឯកឧត្តម សោម ចិន តំណាងរាស្រ្តមណ្ឌលខេត្តកំពត__ សារលិខិតរំលែកទុក្ខ ជូនចំពោះ ឯកឧត្តម សោម ចិន និងក្រុមគ្រួសារ__ លោកជំទាវ និន សាផុន ជំរុញឲ្យអាជ្ញាធរខេត្តរតនគិរី ខិតខំបម្រើប្រជាពលរដ្ឋឲ្យកាន់តែសកម្មទ្វេឡើង__ សម្តេចអគ្គមហាពញាចក្រី ហេង សំរិន ជួបពិភាក្សាការងារជាមួយ ឯកឧត្តម តូនី ស្មីត ប្រធានរដ្ឋសភាអូស្រ្តាលី ដើម្បីពង្រឹងកិច្ចសហប្រតិបត្តិការសភាប្រទេសទំាងពីរ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » គណៈកម្មការរដ្ឋសភា ជួបប្រជុំជាមួយក្រសួងការពារជាតិ ដើម្បីពិភាក្សាគ្នាលើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងកម្ពុជា និងអង្គការហាមឃាត់អាវុធគីមី
គណៈកម្មការរដ្ឋសភា ជួបប្រជុំជាមួយក្រសួងការពារជាតិ ដើម្បីពិភាក្សាគ្នាលើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងរវាងកម្ពុជា និងអង្គការហាមឃាត់អាវុធគីមី
រៀបរៀងដោយ ៖​ NA1472 ​ នៅថ្ងៃទី (9/4/2019 12:04:28 AM )

គណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា ដឹកនាំដោយ ឯកឧត្តម ហ៊ុន ណេង ប្រធានគណៈកម្មការ សហការ ជាមួយគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា ដឹកនាំដោយ ឯកឧត្តម ឈាង វុន ប្រធានគណៈកម្មការ ព្រមទាំងមានការចូលរួមពីតំណាងគណៈកម្មការជំនាញផ្សេងៗទៀតនៃរដ្ឋសភា បានជួបប្រជុំជាមួយ សម្តេចពិជ័យ សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងសហការី ដើម្បីពិនិត្យពិភាក្សាទៅលើសេចក្តីព្រាងច្បាប់ ស្តីពី ការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងអង្គការហាមឃាត់អាវុធគីមី ស្ដីពីបុព្វសិទ្ធិ និងអភ័យឯកសិទ្ធិរបស់ អង្គការហាមឃាត់អាវុធគីមី នាព្រឹកថ្ងៃទី៤ ខែកញ្ញា ឆ្នាំ២០១៩ នៅវិមានរដ្ឋសភា។

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានមានប្រសាសន៍ជម្រាបជូនគណៈកម្មការនៃរដ្ឋសភា ពីគោលបំណងនៃកិច្ចព្រមព្រៀងនេះដែលផ្ដល់ឲ្យកម្ពុជាទទួលបាននូវសារៈប្រយោជន៍ជាច្រើន មានដូចជា ទទួលបានជំនួយបច្ចេកទេស និងការអភិវឌ្ឍសមត្ថភាព។ ធ្វើកិច្ចសហប្រតិបត្តិការជាមួយអង្គការហាមឃាត់អាវុធគីមី ដើម្បីសម្អាតកាកសំណល់សារជាតិអាវុធគីមី ដែល បានបន្សល់ទុកក្នុងប្រទេសកម្ពុជា នាសម័យសង្គ្រាមទសវត្សរ៍៦០ និងទសវត្សរ៍៧០។ ហាមឃាត់ និងទប់ស្កាត់ ឧក្រិដ្ឋកម្មឆ្លងដែន នៃសារធាតុគីមីនៅលើទឹកដីប្រទេសកម្ពុជា។ ចូលរួមជាមួយសហគមន៍ក្នុងតំបន់ សហគមន៍អន្តរជាតិ និងអង្គការសហប្រជាជាតិ ក្នុងការ ធ្វើឱ្យពិភពលោកទាំងមូលមានសុវត្ថិភាពពីការរីកសាយភាយនៃសាធាតុគីមី ស្របតាមមាត្រា៥៤ នៃរដ្ឋធម្មនុញ្ញ នៃព្រះរាជាណាចក្រ កម្ពុជា។

សម្ដេចពិជ័យសេនា ក៏បានជម្រាបជូនពីការយកចិត្តទុកដាក់របស់រាជរដ្ឋាភិបាលលើកិច្ចការនេះ ដោយអាជ្ញាធរជាតិអាវុធគីមីកម្ពុជាបាន ធ្វើទំនាក់ទំនងល្អ មានកិច្ចសហប្រតិបត្តិការយ៉ាងរលូន និងមានប្រសិទ្ធភាព ជាមួយអង្គការហាមឃាត់អាវុធគីមី ក្នុងការសិក្សាវិភាគ និងលើគោលបំណងនៃមាត្រានីមួយៗ ដែលមានចែងនៅក្នុងកិច្ចព្រមព្រៀងនេះ ដោយមិនមានផលប៉ះពាល់ដល់ច្បាប់គោលនយោបាយ និងសារៈប្រយោជន៍របស់ប្រទេសជាតិឡើយ។

សេចក្តីព្រាងច្បាប់ស្ដីពីការអនុម័តយល់ព្រមលើកិច្ចព្រមព្រៀងរវាងព្រះរាជាណាចក្រកម្ពុជា និងអង្គការហាមឃាត់អាវុធគីមី ស្តីពីបុព្វសិទ្ធិ និងអភ័យឯកសិទ្ធិរបស់អង្គការហាមឃាត់អាវុធគីមី មាន៣មាត្រា ត្រូវបានគណៈរដ្ឋមន្ត្រី សម្រេចយល់ព្រមក្នុងសម័យប្រជុំពេញអង្គ គណៈរដ្ឋមន្ត្រី កាលពីថ្ងៃទី២ ខែសីហា ឆ្នាំ២០១៩ និងបញ្ជូនមកស្នើសុំការអនុម័តពីស្ថាប័ននីតិប្បញ្ញត្តិ។

បន្ទាប់ពីបានស្ដាប់ការបកស្រាយរបស់ សម្ដេចពិជ័យសេនា ទៀ បាញ់ រួចមក ឯកឧត្តម ហ៊ុន ណេង បានមានប្រសាសន៍ថា បន្ទាប់ពី សម្តេចពិជ័យសេនា និងសហការី បានធ្វើការបកស្រាយទៅលើចំណុចនានាដែលគណៈកម្មការជំនាញនៃរដ្ឋសភា បានសាកសួររួចមក ហើយនេះ គណៈកម្មការជំនាញនៃរដ្ឋសភា សូមសម្តែងនូវការគាំទ្រលើសេចក្តីព្រាងច្បាប់នេះ ហើយសម្រេចថានឹងបញ្ជូនសេចក្តីព្រាង ច្បាប់នេះ ទៅគណៈកម្មាធិការអចិន្ត្រៃយ៍រដ្ឋសភា ដើម្បីចាត់ចែងទៅតាមនីតិវិធីបន្តទៀតរបស់រដ្ឋសភា។

សូមជម្រាបថា កម្ពុជាជាសមាជិកអង្គការហាមឃាត់អាវុធគីមី ដែលបានចុះហត្ថលេខាកាលពីថ្ងៃទី១៥ ខែមករា ឆ្នាំ១៩៩៣ ដោយបាន ផ្ដល់សច្ចាប័ននៅថ្ងៃទី១៩ ខែកក្កដា ឆ្នាំ២០០៥ និងបានចូលជាធរមាន នៅថ្ងៃទី១៨ ខែសីហា ឆ្នាំ២០០៥។ ចំពោះកិច្ចព្រមព្រៀងរវាង ព្រះរាជាណាចក្រកម្ពុជា និងអង្គការហាមឃាត់អាវុធគីមី ស្តីពីបុព្វសិទ្ធិ និងអភ័យឯកសិទ្ធិរបស់អង្គការហាមឃាត់អាវុធគីមី កម្ពុជាបាន ចុះហត្ថលេខារួចហើយកាលពីថ្ងៃទី១២ ខែតុលា ឆ្នាំ២០១៧។ រីឯនីតិវិធីបន្តគឺការផ្ដល់សច្ចាប័នដើម្បីឲ្យកិច្ចព្រមព្រៀងនេះ ចូលជាធរមាន នៅពេលដែលកម្ពុជាបានតម្កល់ទុកលិខិតូបករណ៍នៃការផ្ដល់សច្ចាប័នជាមួយអង្គការហាមឃាត់អាវុធគីមី។

កន្លងមកប្រទេសដែលជារដ្ឋភាគីជាមួយអង្គការហាមឃាត់អាវុធគីមី មានចំនួន១៩៣ប្រទេស។ ប្រទេសដែលបានចុះកិច្ចព្រមព្រៀង មាន ចំនួន៥៦ ក្នុងនោះប្រទេសចំនួន៥៥ បានចុះហត្ថលេខា ប៉ុន្តែបានផ្ដល់សច្ចាប័ន មានចំនួន៤១ប្រទេស។ ដោយឡែកនៅក្នុងអាស៊ាន ប្រទេសដែលបានចុះកិច្ចព្រមព្រៀងមានចំនួន៥គឺ កម្ពុជា ឡាវ ហ្វីលីពីន ថៃ និងវៀតណាម។

អត្ថបទ និងរូបភាព ដោយនាយកដ្ឋានព័ត៌មាន

青涩的小女孩会因为胸部发育太好而觉得不好意思产后丰胸产品,长期弯腰虾背的掩盖自己的胸大;当她们走过了这段青涩的岁月的时候,才会发现拥有一对丰满丰胸方法、挺拔的胸部是一件多么幸运而幸福的事情。生活中的很多瘦子都有着“飞机场”的困扰,都在寻找平胸怎么变大胸的技巧丰胸产品,希望可以早一点拥有让别人羡慕,让自己满意的胸部大小和形状刘燕酿制丰韵霜。平胸美女一秒变大胸!